Ukraynada SORĞU – Əhalinin neçə faizi qələbəyə inanır?

Ukraynada SORĞU – Əhalinin neçə faizi qələbəyə inanır?

Hazırda oxunan: Ukraynada SORĞU – Əhalinin neçə faizi qələbəyə inanır?
630321
Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Ukraynalıların mütləq əksəriyyəti ölkələrinin müharibədə qələbə qazanacağına əmindir: rəyi soruşulanların 59%-i buna tam əmin olduğunu, daha 23%-i isə Ukraynanın qələbə çalacağını düşündüyünü bildirib.

Bizim.Media xəbər verir ki, bu barədə Kiyev Beynəlxalq Sosiologiya İnstitutunun (KIIS) iyulun 16–31-də keçirdiyi sorğunun nəticələri göstərir.

Tədqiqatın nəticələrinə görə, respondentlərin 82%-i müharibənin Ukraynanın qələbəsi ilə başa çatacağına inanır.

Bununla yanaşı, ukraynalıların 39%-i hazırda döyüş meydanında üstünlüyün Ukrayna tərəfində olduğunu hesab edir. Rəyi soruşulanların 7%-i vəziyyətin Rusiyanın xeyrinə dəyişdiyini, 32%-i tərəflərdən heç birinin üstünlüyə malik olmadığını bildirib, 22%-i isə cavab verməkdə çətinlik çəkib.

Müharibə neçənci ildə bitəcək?

Döyüş əməliyyatlarının yekunlaşma müddətinə gəlincə, respondentlərin 22%-i müharibənin 2026-cı ilin sonuna qədər başa çatacağını gözləyir. 13% hərbi əməliyyatların 2027-ci ilin birinci yarısında bitəcəyinə ümid edir, 39% isə müharibənin 2027-ci ilin ikinci yarısında və ya daha sonra yekunlaşacağını düşünür. Respondentlərin 26%-i isə dəqiq müddət proqnozlaşdıra bilməyib.
 

Bundan əlavə, ukraynalıların 63%-i ölkənin gələcəyini optimist qiymətləndirir və 10 ildən sonra Ukraynanın Avropa İttifaqının üzvü olacağına, çiçəklənən iqtisadiyyata malik ölkəyə çevriləcəyinə inanır. 23% pessimism nümayiş etdirərək ölkənin dağılmış vəziyyətdə qalacağını ehtimal edib, 14% isə mövqeyini müəyyənləşdirməyib.


Qeyd edək ki, sorğu iyulun 16–31-də CATI və şəxsi müsahibə üsulu ilə keçirilib. Tədqiqatda Ukraynanın nəzarətində olan ərazidə yaşayan 18 yaşdan yuxarı 1808 vətəndaş iştirak edib.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Bizim.media tətbiqi
Xəbərləri tətbiqdə oxuyun
Bizim.media tətbiqini yükləyin, son xəbərlər bildirişlə telefonunuzda olsun.
YükləApp Store YükləGoogle Play

XƏBƏR LENTİ

Bugün
Dünən

Xəbərin mətnində orfoqrafik səhv var

Qeydinizi daxil edin

RADİO