Türkiyənin Bingöl vilayətinin uca dağlarında yaz aylarında açan tərs lalələrin dərilməsinə görə “dodaq uçurdacaq” cərimələr təyin olunub.
Bizim.Media Türkiyə mətbuatına istinadən xəbər verir ki, “ağlayan gəlin” adı ilə də tanınan və qoruma altına alınmış endemik çiçəkləri qoparmağın və ya onlara zərər verməyin cəzası 2026-cı il üçün 699 min 225 TL (təxminən 27 min manat) olaraq müəyyən edilib.
Bioloji müxtəlifliyi qorumaq məqsədi ilə tətbiq olunan bu ciddi inzibati cərimə nadir bitki növlərinə zərər verilməsinin qarşısını almağa yönəlib.
Qeyd edək ki, tərs lalə Bingöl Dağları və ətraf bölgələrdə (Şırnak, Hakkari, Van) təbii şəkildə yetişən, qısaömürlü (təxminən 20 gün yaşayan) nadir endemik bitki növüdür.
Bizim.Media
