Polşanın radikal sağçı Konfederasiya partiyasından deputat Konrad Berkoviç parlamentdə çıxışı zamanı İsraili “yeni Üçüncü Reyx” adlandırıb. Hadisə dərhal zalda kəskin etiraz doğurub.
Bizim.Media xəbər verir ki, Berkoviç çıxışında İsrailin Yaxın Şərqdəki hərəkətlərini tənqid edib, Qəzzada uşaqların ölümü ilə bağlı rəqəmlərə toxunub və bu proseslərin artıq yanacaq qiymətlərinə də təsir göstərdiyini iddia edib.
Hadisədən sonra Polşa Xarici İşlər Nazirliyi deputatın addımını “qəbuledilməz” və “ikrah doğuran” adlandıraraq pisləyib. Eyni zamanda, Sejmin rəhbərliyi Berkoviçin cəzalandırılması proseduruna başladığını açıqlayıb.
Beləliklə, qalmaqal təkcə Polşa parlamentində deyil, beynəlxalq səviyyədə də rezonans doğurub və antisemitizm, siyasi ritorikanın sərhədləri, eləcə də parlament etikasına dair yeni müzakirələrə səbəb olub.
Bizim.Media
