İlk görüşdən əvvəl qəbul edilən qidalar dəri rənginə, bədən qoxusuna və hətta göz bəbəklərinin ölçüsünə təsir edərək cəlbediciliyi artıra və ya azalda bilər.
Bizim.Media xəbər verir ki, bunu Lifesum servisinin dietoloqu Viktoriya Strandlund elmi tədqiqatlara əsaslanaraq bildirib.
Tədqiqatlar göstərir ki, qadınlar çox sarımsaq yeyən kişilərin bədən qoxusunu daha cəlbedici və xoş hesab edirlər. Lakin bu, ağız qoxusuna aid edilmir; ağızdakı sarımsaq qoxusunu azaltmaq üçün alma, təzə nanə və ya salat yarpağı yemək tövsiyə olunur.
Yerkökü, pomidor, batat və göyərtilər tərkibindəki maddələr sayəsində dərini daha sağlam və parlaq göstərir. Günə 3.5 porsiya tərəvəz/meyvə yemək 6 həftə ərzində dəri rəngində müsbət dəyişiklik yaradır.
Acı bibər (kapsaisin) üzə təbii qırmızılıq verərək gümrah görünüş yarada bilər, qəhvə isə zəif işıqda göz bəbəklərini böyüdür (lakin bunun cəlbediciliyə birbaşa təsiri tam sübut olunmayıb).
Qırmızı ətlər (bədən qoxusunu pisləşdirə bilər), qazlı içkilər, lobya/mərci və şəkərsiz saqqızlar (həzm problemlərinə və qarın köpünə səbəb ola biləcəyi üçün) görüş öncəsi tövsiyə edilmir.
Bizim.Media
