2013-cü il 5-7 sentyabr tarixlərində Türkiyənin İstanbul şəhərində “Qlobal nəqliyyatın gələcəyi və investisiya imkanları” mövzusunda 11-ci Nəqliyyat, Dənizçilik və Kommunikasiya Forumu keçiriləcək.
Nəqliyyat Nazirliyinin mətbuat xidmətindən Moderator.az-a verilən məlumata görə,tədbirdə Nəqliyyat Naziri cənab Ziya Məmmədovun rəhbərlik etdiyi nümayəndə heyəti iştirak edəcək.
Səfər çərçivəsində nəqliyyat naziri cənab Z. Məmmədovun türkiyəli həmkarı və beynəlxalq forumun digər iştirakçıları ilə nəzərdə tutulan ikitərəfli görüşlərində müasir dövrdə nəqliyyatın inkişaf meylləri və perspektivləri ilə bağlı ətraflı müzakirələrin aparılması planlaşdırılır.




































































































