“Bulla-dəniz” yatağındakı 90 saylı quyuda qazma zamanı baş verən qəzanın aradan qaldırılması məqsədi ilə aparılan işlər davam etdirilir.
Moderator.az ARDNŞ-ə istinadən xəbər verir ki, görülən təmizləmə işləri nəticəsində quyudakı qazma avadanlığının ümumilikdə 50 %-ə qədəri demontaj olunaraq, özüldən gəmilərə yüklənib və sahilə çıxarılıb.
Qəzanın aradan qaldırılması istiqamətində ARDNŞ və Fövqəladə Hallar Nazirliyinin mütəxəssisləri tərəfindən görülən tədbirlər nəzərdə tutulmuş iş planına uyğun olaraq davam etdirilir.
