İsti çay xərçəng yaradır? – Mütəxəssisdən MÜHÜM AÇIQLAMA

İsti içkilər stəkana töküldükdən bir müddət sonra içilməlidir. Çünki isti içkilər müxtəlif sağlamlıq problemləri yaradır.

Bəs, isti içkilər qəbul edərkən nələrə diqqət edilməlidir? Hansı xəstəliklər üçün risk yaradır?

Qulaq burun boğaz xəstəlikləri üzrə mütəxəssis Fakih Cihat Eravcı çaydan və termosdakı isti içkinin stəkan doldurulduqdan təxminən 5 dəqiqə sonra istehlak edilməsi lazım olduğunu bildirib.

“İsti içkilər təkcə qışda deyil, hər dövrdə intensiv şəkildə istehlak edilir. Bu mənada maye itkisinin qarşısını almaq çox əhəmiyyətli bir məsələdir. Həm immunitet sistemi, həm də infeksiyalardan qorunma baxımından bu vəziyyətə diqqət yetirməliyik. Son araşdırmalara görə, 65 dərəcədən yuxarı içkilər sağlamlığımız üçün risk faktoru ola bilər. Xüsusilə siqaret və alkoqol kimi pis vərdişlərimiz varsa, bu risk arta bilər. Ağzımızdan başlayan, udlaq, yemək borusu və mədədən keçən isti içkilər hər biri ilə təkrar təmasda problemlər yaradır. Əgər vərdiş olaraq hər zaman isti yeməklər qəbul ediriksə, bu, problem yaradır. Gündəlik praktikada 65 dərəcə ölçə bilmədiyimiz üçün çaydan və ya termosdan fincana içki töküldükdə 5 dəqiqəlik gözləmə müddəti kifayət edir”.

Həkim həddindən artıq isti içkilərin zamanla sağlamlıq problemlərinə səbəb ola biləcəyini ifadə edib.

“İçki miqdarı da önəmlidir, xüsusən də çay və qəhvə kimi çoxlu içkilər qəbul etsək, bunlar farenks, yemək borusu və mədə qişasında dəyişikliklərə səbəb olur. Bu vəziyyət xroniki qıcıqlanma yaradır, qəbizliyə səbəb olur. Davamlı istehlak ilə, pis hüceyrələrə doğru dəyişikliklər başlaya bilər. Gələcəkdə yemək borusu, farenks və ağız nahiyəsində xərçəngə səbəb ola bilər”.

Nuray, Bizim.Media