Sabiq Baş nazir bu vəzifəsindən azad OLUNDU

Hazırda oxunan: Sabiq Baş nazir bu vəzifəsindən azad OLUNDU

190911

Sabiq Baş nazir, professor Novruz Məmmədov Azərbaycan Dillər Universitetinin (ADU) Elm və innovasiya məsələləri üzrə prorektoru vəzifəsindən azad olunub.

Bizim.Media "report.az"a istinadən xəbər verir ki, o, ötən ay işdən azad olunmaq üçün öz ərizəsi ilə universitetin rektoru Kamal Abdullaya müraciət edib.

ADU-nun mətbuat katibi Cavid Zeynallı faktı təsdiqləyib. O bildirib ki, hələ sözügedən vəzifəyə yeni təyinat olmayıb.

Qeyd edək ki, N.Məmmədov 2018-2019-cu illlərdə Azərbaycanın Baş naziri olub. O, 2017-2018-ci illərdə Azərbaycan Prezidentinin Xarici siyasət məsələləri üzrə köməkçisi vəzifəsini icra edib.
2012-2017-ci illərdə Azərbaycan Prezidentinin Administrasiyasının rəhbər müavini, 1997-2017-ci illərdə Administrasiyanın Xarici əlaqələr şöbəsinin müdiri və 2017-2018-ci illərdə Administrasiyanın Xarici siyasət məsələləri şöbəsinin müdiri vəzifələrində çalışıb.

Bizim.Media