Rusiya prezidentinin səlahiyyətli nümayəndəsi Söyün Sadıqov son açıqlamasında bir sıra sərt açıqlamalarıyla diqqət çəkdi. Onun səsləndirdiyi ittihamlardan biri də Azərbaycan siyasətinin İsrail texnoloqları tərəfindən idarə olunmasıyla bağlıydı.
Məsələ ilə bağlı Moderator.az Açıq Cəmiyyət Partiyasının sədri Sülhəddin Əkbərin fikirlərini öyrənib. O, Azərbaycanın İsraillə hər zaman isti münasibətlərinin olduğuna diqqət çəkərək, bunun Rusiyaya qarşı olmadığını da ifadə edib:
“Ölkəmizin Qərb dünyası və İsraillə münasibətləri hər zaman normal olub. Azərbaycan hakimiyyəti həmçinin Rusiya ilə də münasibətləri qoruyub, saxlamağa çalışır. İnanmıram ki, Rusiyanın mövqeyi ölkəmizdə İsrailə nisbətən zəifləyə. Hesab edirəm ki, Azərbaycan Yəhudi dövləti ilə hər hansısa razılığa gəlsə belə bunu Rusiya ilə mütləq razılaşdıracaq.”
Xəyal Əzizov
