“BQXK-nin Xankəndi ofisi qaçaqmalçılıqla məşğuldur” – Vüqar İskəndərov 

“BQXK-nın Xankəndi ofisinin etdiyi hərəkət qəbuledilməzdir. Onlar münaqişəni törədənlərlə əlbir olub qaçaqmalçılıqla məşğul olur”.

Bizim.Media xəbər verir ki, bu fikirləri Milli Məclisin bu gün keçirilən iclasında deputat Vüqar İskəndərov səsləndirib.

“Beynəlxalq Qızıl Xaç Komitəsinin (BQXK) Xankəndi şöbəsinin fəaliyyəti nə beynəlxalq hüquqa, nə də komitənin nizamnaməsinə uyğundur.

Təşkilat unudur ki, Azərbaycan ərazisində hərəkət edir. Rəsmi Bakı dəfələrlə onlara təklif edilib ki, Xankəndinə Bakıdan getsin. 
Təşkilat bu təklifləri qulaqardına vurur. Ümid edirik ki, təşkilat hüquqazidd əməllər törədən əməkdaşlarına qarşı sərt tədbirlər görəcək”.

Murad Əhmədov, Bizim.Media