“Bu gün Buyar Osmani ilə iki ölkə arasında münasibətlər, ATƏT-lə əməkdaşlıq məsələlərini müzakirə etmişik”.
Bizim.Media xəbər verir ki, bunu Azərbaycanın xarici işlər naziri Ceyhun Bayramov ATƏT-in fəaliyyətdə olan sədri, Şimali Makedoniyanın xarici işlər naziri Buyar Osmani ilə birgə keçirilən mətbuat konfransında deyib.
O qeyd edib ki, Azərbaycan ilk günlərdən ATƏT-in fəaliyyətində aktiv rol oynayıb:
“Bu gün eyni zamanda hazırda gedən proseslər də müzakirə edilib. Şimali Makedoniyanın təşkilata sədrliyi mürəkkəb zamanda baş verir. Azərbaycan təşkilatın prinsiplərinə, beynəlxalq hüquqlara sadiqlik nümayiş etdirib. Azərbaycanın mövqeyi hər zaman ardıcıl olub”.
Bizim.Media
