ABŞ-nin tətbiq etdiyi blokada başladıqdan sonra İraq bayrağı altında üzən "Agios Fanourios I" supertankeri Hörmüz boğazını aşaraq Fars körfəzi sularına daxil olub.
Bizim.Media xəbər verir ki, bu barədə "Bloomberg" məlumat yayıb.
Sözügedən gəmi məhdudiyyətlər qüvvəyə mindikdən bəri bu su yolu ilə şimal-qərbə doğru irəliləyən ilk neft daşıyıcısıdır.
"Agios Fanourios I" gəmisi ABŞ-nin sanksiyalar siyahısında yer almır və onun marşrutu İranla bağlı deyil. Naviqasiya izləmə sistemlərinin göstəricilərinə görə, tankerin son təyinat məntəqəsi İraqın Bəsrə limanıdır.
Hazırkı dövrdə ABŞ-nin hərbi dəniz qüvvələri Oman körfəzində naviqasiya prosesinə əngəl yaradır. Media orqanlarının məlumatlarına görə çox güman ki, bu donanma daha öncə bir neçə neft daşıyıcısını, eləcə də ABŞ-nin sanksiyalar siyahısındakı "Rich Starry" gəmisini geri qayıtmağa vadar edib.
Bizim.Media
