Ermənistanda Silahlı Qüvvələrin Üçüncü Ordu Korpusunun sabiq komandiri, general-mayor Qriqori Xaçaturov yenidən həbs edilə bilər.
Bizim.Media xəbər verir ki, bu barədə erməni KİV-i Datalex.am-a istinadən məlumat yayıb.
Bildirilib ki, Xaçaturovun təkrar həbsi ilə bağlı vəsatət verilib. Sənəd aprelin 14-də icraata qəbul olunub və hakim Meri Mosinyana təqdim edilib.
Xaçaturova vəzifə səlahiyyətlərindən sui-istifadə, rüşvət alma və səlahiyyət həddini aşma ittihamları irəli sürülür.
Məlumata görə, sabiq hərbçi hazırda Ermənistandan kənardadır. O, ötən ilin noyabrında axtarışa verilib.
Bizim.Media
