"Avropa İttifaqı ən uğurlu ticarət tərəfdaşımızdır. Ticarət dövriyyəsi bu il rekord səviyyəyə çatacaq".
Bizim.Media xəbər verir ki, bunu İqtisadiyyat naziri Mikayıl Cabbarov Azərbaycan-Avropa İttifaqı biznes forumunda çıxışı zamanı deyib.
Onun sözlərinə görə, Avropa İttifaqına əsaslanan, dəyəri 20 milyarddan çox 700 sayda şirkət Azərbaycanda fəaliyyət göstərir:
"Müvafiq əməkdaşlığımız bütün sahələrə rəvac verir. Enerji, yol tikintisi, qeyri-neft sektoru, kiçik və orta biznes sahələrinə dəstək verilir. Bundan əlavə, işğaldan azad edilmiş ərazilərdə quruculuq sahəsində əməkdaşlıq edilir. Konkret olaraq nəqliyyat və loqistika sahəsində də uğurlu layihələr olacaq. Təbii qazın Avropaya nəqli davam etməkdədir. Daxili xəritəmizə nəzər salsaq, irimiqyaslı layihələrin həyata keçirildiyinin şahidi olarıq".
Alçina Amilqızı, Bizim.Media
