Medvedev daha bir Avropa ölkəsini TƏHDİD ETDİ – “Hədəfimizə çevriləcək”

"Rusiya Avstriyanın NATO-ya üzvlük istəyi olacağı təqdirdə, müvafiq tədbirlər görəcək".

Bizim.Media “RT” nəşrinə istinadla xəbər verir ki, bu barədə Rusiya Təhlükəsizlik Şurası sədrinin müavini Dmitri Medvedevin məqaləsində qeyd olunub.

Medvedevin sözlərinə görə, Avstriyanın militarist kursu onun sülhpərvər dövlət imicini məhv edir, bu da Vyananın suveren siyasi manevr imkanlarını xeyli azaldır:

“Lakin sözügedən vəziyyət Avstriya ordusunun bölmələrinin Rusiya Silahlı Qüvvələrinin zərbə vasitələrinin hədəfinə çevrilməsi riskini ciddi şəkildə artırır”.

O, həmçinin qeyd edib ki, Moskva İsveç və Finlandiyanın alyansa qoşulmasından sonra “tədbirlər” görüb.

“Avstriya üçün də heç bir istisna olmayacaq”, – deyə Medvedev vurğulayıb.

Qeyd edək ki, Avstriyanın bloklara qoşulmama statusu 1955-ci ildə ölkə parlamenti tərəfindən qəbul olunmuş ayrıca konstitusiya qanununda təsbit olunub.

Bizim.Media