“Ölkəmizin təhlükəsizliyini yalnız Rusiya təmin edə bilər” – Müxalifətçi deputatdan ETİRAF

Bu gün ilk növbədə ölkəmizin təhlükəsizliyini təmin etməliyik. 

Bizim.Media xəbər verir ki, bu fikirləri “Çiçəklənən Ermənistan” partiyasının lideri, müxalifətçi Qaqik Çarukyan gənclərlə görüşündə söyləyib.

“İnsanlar gərgindir, həyəcan keçirirlər. İlk olaraq mən demişəm ki, ölkəmizin, dövlətimizin, xalqımızın əsas problemi təhlükəsizlikdir. 
 

MÖVZU İLƏ BAĞLI:

Paşinyanın daha bir rəqibi Moskvaya gedir

Ölkəmizin təhlükəsizliyini yalnız Rusiya təmin edə bilər. Bunun üçün Rusiya ilə yeni hərbi-siyasi sənəd imzalanmalı və daha sonra başqa addımlar atılmalıdır”, deyə o, qeyd edib. Qaqik Çarukyana görə, seçilərlərsə, təhsil sahəsinə diqqət yetirəcək.

O, gənclərin mənzillə təmin olunması məsələsinə də toxunub: “İnzibati ərazilərdə mənzillər tikib gənclərə ödənişsiz və faizsiz verilməlidir”.

Qaqik Çarukyan sonda partiyaya qoşulan yüzlərlə gəncə üzvlük vəsiqələri təqdim edib.

Bizim.Media