ABŞ-da qəzaya düşən təyyarənin “qara qutu”su TAPILDI

Dalğıclar Vaşinqton yaxınlığında qəzaya uğrayan sərnişin təyyarəsinin “qara qutu”larından birini aşkar edib.

Bizim.Media xəbər verir ki, bu barədə “CBS News” telekanalı məlumat yayıb.

Bununla yanaşı, onlar çaya düşən təyyarənin kabininə də daxil ola biliblər və burada baqajlar aşkar edilib.

Bildirilib ki, çayın axını təyyarənin qalıqlarını və cəsədlərini qəza yerindən uzağa aparıb.

Qeyd edək ki, bu gün “American Airlines” şirkətinin təyyarəsi Vaşinqtonun Ronald Reyqan hava limanı ərazisində qəzaya uğrayıb.

Göyərtəsində 60 sərnişinin olduğu “Bombardier” sərnişin təyyarəsi Kanzas ştatının Viçita şəhərindən havaya qalxaraq Vaşinqtonda eniş edərkən hərbi helikopterlə toqquşub. Bundan sonra təyyarə çaya düşüb.

Aviaşirkət təyyarənin göyərtəsində 60 sərnişin və dörd ekipaj üzvünün olduğunu təsdiqləyib. Helikopterdə isə 3 hərbçinin olduğu məlumdur. Qəzadan sonra Potomak çayında axtarış-xilasetmə əməliyyatı başladılıb. “BNO News” portalının məlumatına görə, çaydan 19 nəfərin cəsədi aşkar olunaraq çıxarılıb.

Bizim.Media