79-cu Kann Kinofestivalının açılışı yenidən qırmızı xalçanı dünyanın diqqət mərkəzinə gətirib.
Bizim.Media xəbər verir ki, gecənin ən çox müzakirə olunan simalarından biri festivalın münsiflər heyətinin üzvü statusunda Fransaya gələn Demi Mur olub.
63 yaşlı aktrisa qırmızı xalçaya "Jacquemus" brendindən gümüşü rəngli, çiyinsiz və parıltılı bir libasda çıxaraq fotoqrafların və qonaqların diqqətini dərhal özünə cəlb edib. Aktrisanın obrazını "Chopard" brilyant kolyesi və çiçək formalı zərif sırğalar tamamlayaraq, klassik Hollivud zərifliyini vurğulayıb.
Lakin qüsursuz üslubuna və özünəəmin duruşuna baxmayaraq, sosial şəbəkələrdə əsas müzakirə mövzusu Murun bədən quruluşu olub. İstifadəçilərin xüsusi diqqətini aktrisanın qolları çəkib; auditoriyanın bir hissəsi onları "heyranedici dərəcədə formada" adlandırsa da, digərləri "həddindən artıq arıq" olduğunu qeyd ediblər.
Aktrisanın görünüşü sosial şəbəkələrdə müxtəlif reaksiyalara səbəb olub. Bəzi istifadəçilər aktrisanın "möhtəşəm və ilhamverici" göründüyünü yazaraq onun fiziki formasını tərifləyiblər. Digər tərəfdən isə, onun ifrat arıqlığından narahat olanlar da az olmayıb. "O gözəldir, lakin belə arıqlıq norma və ya ideal halına gəlməməlidir", — deyə bir istifadəçi qeyd edərək məşhurların cəmiyyətə ötürdüyü imicə görə məsuliyyət daşıdıqlarını vurğulayıb.
Buna baxmayaraq, sosial şəbəkələrdə aktrisaya dəstək verənlər də tapılıb. Onlar Murun hər zaman nizam-intizamı və fiziki formasına diqqət yetirməsi ilə tanındığını bildiriblər: "O, həmişə əla görünüb, indi də elədir".
Xatırladaq ki, bir gün əvvəl aktrisa Kanndakı fotokol (photocall) zamanı da "Jacquemus"dan olan xallı və yüngül donu ilə diqqət çəkərək fit bədən quruluşunu və üslubunu nümayiş etdirmişdi.
Bizim.Media
