Dünən Kürdəmirdə qanlı olay baş verib. Kürdəmir rayon polis şöbəsinin yaxınlığındakı bərbərxanada rayon sakini 1961-ci il təvəllüdlü Məhərrəmov Həmid Həmzə oğlu münaqişə zəminində həmyerlisi 1962-ci ildə anadan olmuş Valeh Heybət oğlu Babayevin boğazının şah damarını bıçaqla kəsib.
Yaralı ağır vəziyyətdə xəstəxanaya çatdırılıb. Həkimlər bildirib ki, V.Babayevə təcili qan köçürülməlidir. Xəstəxanadan lent.az-a verilən məlumata görə, Kürdəmir rayon prokurorunun böyük köməkçisi Pərviz Nərimanov yaralıya qan verib.Yaralı bundan sonra təcili yardım maşını ilə Bakıya yola salınıb.
Həmid Məhərrəmov saxlanılıb. O, həmyerlisini söyüş üstə bıçaqladığını deyib.
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
