Bu dəqiqələrdə Bakının Yasamal rayonu Bakıxanov küçəsi 18-də güllələnmə hadisəsi baş verib. Hadisə şahidlərinin Moderator.az-a verdiyi xəbərə görə, 6 saylı marşrut avtobusunda bir nəfər başqa bir şəxsə odlu silahdan atəş açıb. Yaralı dərhal ərazidəki maşınlardan birinə qoyularaq, xəstəxanaya aparılıb.
“Kapitalbank”ın Yasamal Filialının qarşısında hazırda nəqliyyatın hərəkəti məhdudlaşdırılıb. Hadisə yerində hüquq-mühafizə orqanlarının əməkdaşları da var. Cinayəti törədən şəxs polis tərəfindən saxlanılıb.
Yaralı ağır vəziyyətdə Klinik Tibbi Mərkəzə aparılsa da, onu xilas etmək mümkün olmayıb.
Polisdən bildirilib ki, ölən şəxsin adı Vəfadardır. Hadisəni törədən isə Anar Xəlilov adında biridir. O, artıq saxlanılıb.
Faktla bağlı cinayət işi başlanıb, istintaq gedir.
Xəbər yenilənir. Moderator.az-ı izləyin.
