Ukrayna Rusiya ilə mübarizə üçün 22 milyon dollar kriptovalyuta aldı

Kriptovalyuta investorları Ukrayna hökumətinə və orduya dəstək verən qeyri-kommersiya təşkilatına 22 milyon dollardan çox aktiv bağışlayıblar. Blokçeyn izləmə şirkəti Elliptic bu xəbəri bazar ertəsi açıqlayıb. 

Bizim.Media “Ukrinform” nəşrinə istinadən xəbər verir ki, bu barədə “New York Times” yazır.

Qeyd olunur ki, kriptovalyutadan istifadə bütün dünya üzrə investorlara vəsaitləri tez bir zamanda Ukrayna döyüşçülərinə köçürmək imkanı verib, çünki kraudfandinqin daha ənənəvi vasitələri maneələrlə üzləşir.

Keçən həftə Patreon kraudfandinq saytı Ukraynada hərbçilərin silahlanması və təlimi üçün pul toplayan "Come Back Alive" Kiyev təşkilatının səhifəsini silib. Patreon bildirib ki, səhifə hərbi maliyyəyə qarşı öz qaydalarını pozub.
Lakin “Come Back Alive”in indi yeni maliyyə mənbəyi var: keçən həftə Rusiyanın Pussy Riot etiraz qrupu ilə işləyən kripto həvəskarları tərəfindən yaradılan UkraineDAO adlı kriptovalyuta kollektivi. 

Elliptic-ə görə, bazar ertəsi axşam saatlarına olan məlumata görə, Ukrayna qrupu kriptovalyuta ilə 7 milyon dollardan çox vəsait toplayıb. Ukrayna hökuməti 15,4 milyon dollar alıb.

Bizim.Media