"Napoli" futbol klubunun prezidenti Aurelio De Laurentis gəncləri futbola cəlb etmək üçün oyun qaydalarında radikal dəyişikliklər təklif edib.
Bizim.Media "The Athletic" nəşrinə istinadən xəbər verir ki, klub sahibinin əsas ideyası hissələrin müddətini 45 dəqiqədən 25 dəqiqəyə endirməkdir.
De Laurentisin fikrincə, oyun müddətinin qısaldılması komandalara daha yüksək intensivliklə oynamaq imkanı verəcək və matçların baxımlılığını artıracaq.
O, həmçinin simulyasiya edən oyunçuların dərhal meydandan qovulmasını təklif edib.
Klub prezidenti sarı və qırmızı vərəqələrin tamamilə ləğv edilməsinin tərəfdarıdır. O, bunun əvəzinə hokkey və ya reqbidə olduğu kimi 5 və ya 20 dəqiqəlik müvəqqəti cəzaların tətbiq olunmasını istəyir.
"Napoli" rəhbəri israr edir ki, futbolun daha çox azarkeş toplamaq üçün çoxlu qola ehtiyacı var. Onun qənaətinə görə, qaydalar hücum futbolunun xeyrinə köklü şəkildə dəyişdirilməlidir. (Oxu.az)
Bizim.Media
