Referilərlə VAR hakimlərinin söhbətini hamı biləcək

İspaniya Kral Futbol Federasiyası (RFEF) və La Liqanın rəhbərliyi hakimlərlə bağlı yeni qərar qəbul edib.

Bizim.Media xəbər verir ki, bu barədə La Liqanın saytı məlumat yayıb. 

Bildirilir ki, artıq çempionatın oyunlarından sonra meydanda işləyən hakimlərlə VAR hakimləri arasında gedən söhbətlərin video və audio yazıları yayımlanacaq. 

Yazılar hər oyun gününün sonunda ictimaiyyətə təqdim olunacaq. Bu təcrübə ilk dəfə yanvarın 14-də, 20-ci turun oyunları zamanı tətbiq ediləcək.

Vurğulanır ki, belə tədbirlərin tətbiqi hakimlərin işini və yarışın özünü daha şəffaf edəcək. Nəticədə azarkeşlər hakimlərin matç zamanı nə üçün bu və ya digər qərar qəbul etdiyini daha yaxşı başa düşəcəklər.
Xatırladaq ki, İspaniya çempionatının 20-ci turuna “Almeriya” – “Jirona” matçı ilə start veriləcək.

Bizim.Media