"Real"ın futbolçusu Kərim Benzema karyerasında ilk dəfə Çempionlar Liqasının qrup mərhələsində qol vura bilməyib.
Bizim.Media İspaniya mətbuatına istinadən xəbər verir ki, 34 yaşlı hücumçu 2022/23 mövsümündə turnirin bu mərhələsində 4 matç keçirib.
O, yalnız "Şaxtyor"a (Donetsk, Ukrayna) qarşı görüşlərdə (2:1, 1:1) əvvəldən sonadək mübarizə aparıb. Fransalı futbolçu "Seltik"lə səfər oyununa (3:0) start heyətdə başlayıb və 30-cu dəqiqədə zədə səbəbindən əvəzlənib.
O, bu komandaya qarşı ötən gün keçirilən ev matçında (5:1) 63-cü dəqiqədə meydana daxil olub və sonadək oynayıb. "Leyptsiq"lə hər iki görüşü (2:0, 2:3) buraxan Benzema 4 oyunun heç birində qol vurmağı bacarmayıb.
Bu, Benzemanın karyerasında ilk belə haldır. Forvard daha əvvəl həm "Lion"un, həm də "Real"ın heyətində ÇL-in qrup mərhələlərində qolla fərqlənib.
Qeyd edək ki, Benzema 2009-cu ilin yayından Madrid təmsilçisinin formasını geyinir. O, "Lion"un yetirməsidir və 2004-2009-cu illərdə bu klubun əsas komandasında çıxış edib.
Bizim.Media
- A-
- A
- A+
İdman
17:57 / 03.11.2022
Benzema karyerasında ilk dəfə qol vura bilmədi
Hazırda oxunan: Benzema karyerasında ilk dəfə qol vura bilmədi
Hazırda oxunan: Benzema karyerasında ilk dəfə qol vura bilmədi
102686
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
