Cari ilin 12 noyabr tarixində təmas xəttinin Ağdam istiqamətində Ermənistan Silahlı Qüvvələrinə məxsus Mİ-24 tipli döyüş helekopterinin vurulması bölgədə yeni bir savaşın başlanacağı ilə bağlı mövcud ehtimalların bir qədər də ciddiləşməsinə səbəb olub. Məlum savaş ab-havası fonunda diqqət çəkən ən başlıca məqamlardan biri isə Rusiyanın silah şirkətlərinin bir-birinin ardınca Azərbaycan və Ermənistana yönəlik açıqlamalarla çıxış etməsidir. Belə ki, son günlər KİV-ə açıqlama verən Rusiyanın məşhur silah şirkətləri Azərbaycan və Ermənistanın maraq göstərdiyi raket kompleksləri, artilleriya sistemləri ilə bağlı bəzi fikirlər səsləndirməkdədir. Bu açıqlamalarda hansı ölkənin hansı texnikaya maraq göstərdiyi ilə bağlı məqamlar yer alır.
Mövcud
durumu şərh edən bəzi politoloqlar isə hesab edir ki, əslində Azərbaycanla Ermənistan
Silahlı Qüvvələri arasında gərginliyin artması, münasibətlərin aktiv hərbi əməliyyatlar
müstəvisinə keçməsi əslində Rusiya və bu ölkənin silah şirkətləri üçün ciddi önəm
kəsb edir. Hazırda Rusiyanın ciddi iqtisadi-maliyyə sanksiyaları ilə üz-üzə
qaldığına diqqət çəkən ekspertlər hesab edir ki, mövcud durumda Azərbaycanla
rus silah şirkətləri arasındakı əməkdaşlıq bu şirkətlərin ayaqda qalması üçün həyati
rol oynamaqdadır. Bu baxımdan bəzi siyasilər hesab edir ki, Rusiya Azərbaycan və
Ermənistana silah ixracını genişləndirmək, xüsusilə də neft gəlirləri hesabına
böyük maliyyə vəsaitinə malik Azərbaycana çoxlu silah satmaq üçün yeni bir
savaşı tətikləyə bilər.
Bununla
bağlı Moderator.az saytı və “Hürriyyət”x9d qəzetinə açıqlama verən politoloq Qabil
Hüseynli də bu ehtimalın mümkün və gözlənilən olduğunu vurğuladı:
“Rusiya
Ermənistana daha güclü, daha müasir, daha mükəmməl silahlar verir. Azərbaycana
silah satışından isə böyük gəlirlər əldə edir. Hazırda sanksiyalara məruz
qaldığı bir zamanda Rusiya üçün bu, çox əhəmiyyətlidir. Bu nöqteyi-nəzərdən
Rusiya yeni bir münaqişəni alovlandırmaqla silah satışını genişləndirmək və
bundan külli miqdarda vəsait qazanmaq siyasətini həyata keçirə bilər. Bu,
tamamilə mümkündür”x9d.
Seymur
Əliyev
