Rusiya ordusu Sumı şəhərinə dörd idarəolunan aviasiya bombası (KAB) atıb. Zərbələrdən biri məktəb binasına dəyib. Şəhərdə həlak olanlar və yaralananlar var.
Bizim.Media xəbər verir ki, bu barədə "RBC-Ukrayna" Ukrayna prezidenti Volodimir Zelenskinin və Sumı Vilayət Hərbi Administrasiyasının rəhbəri Oleq Qriqorovun "Telegram" kanallarındakı bəyanatlarına istinadən xəbər verir.
Zelenskinin bildirdiyinə görə, hazırda Sumı şəhərində bütün xidmətlər Rusiyanın aviazərbə vurduğu yerdə işləyir.
"Dörd KAB şəhərin mərkəzinə, birbaşa dərslərin davam etdiyi məktəb binasına zərbə endirib. Müəllimlərə və məktəb rəhbərliyinə təşəkkür edirəm: uşaqlar və müəllimlər sığınacaqda olublar, ümumilikdə 100 nəfər vaxtında təxliyə edilib", — deyə o qeyd edib.
Zelenskinin sözlərinə görə, fərdi yaşayış evlərinin yerləşdiyi sektora da ziyan dəyib. İki nəfərin həlak olduğu məlumdur. Üçü uşaq olmaqla, altı nəfər isə yaralanıb.
Bizim.Media
