Belçikanın Almaniya sərhədində yerləşən Hohe Fenn bölgəsində baş verən genişmiqyaslı meşə yanğını Almaniyanın Monşau şəhəri üçün də təhlükə yaradıb.
Bizim.Media xəbər verir ki, şəhərin bir neçə rayonunda yaşayan təxminən 5 min nəfərə mümkün təxliyəyə hazırlaşmaq barədə xəbərdarlıq edilib.
Sakinlərdən vacib əşyalarını hazırlamaq, qonşularını məlumatlandırmaq və imkanları varsa, müvəqqəti olaraq qohum və dostlarının yanına getmək tövsiyə olunub. Hazırda təxliyənin başlanması ilə bağlı yekun qərar verilməyib.
Belçikada isə Surbrodt, Bütgenbax, Kükelsşayd və Leykaul yaşayış məntəqələrinin sakinləri artıq təxliyə edilir.
Yanğın nəticəsində 2 700 hektardan çox meşə ərazisinin məhv olduğu bildirilir. Bu, Belçika tarixində ən böyük meşə yanğınlarından biri hesab olunur.
Bizim.Media
