ABŞ Prezidenti Donald Trampın administrasiyasında İranla imzalanması gözlənilən sülh sazişinə görə ciddi kadr islahatlarının aparılacağı barədə yayılan xəbərlərə rəsmi Vaşinqtondan reaksiya gəlib. Ağ Ev prezidentin müdafiə naziri Pit Heqset və MKİ rəhbəri Con Retkliffi vəzifədən uzaqlaşdırmağı planlaşdırdığına dair gəzən şayiələri qəti şəkildə təkzib edib.
Bizim.Media xarici KİV-ə istinadən xəbər verir ki, bu iddialar ilk olaraq İsrail mətbuatında yer alıb.
İsrailin "Israel Hayom" qəzetinin şərhçisi Denni Zaken nəşr etdiyi məqalədə iddia etmişdi ki, Donald Tramp rəsmi Vaşinqton ilə Tehran arasında əldə olunan sülh razılaşmasını tənqid etdiklərinə görə öz administrasiyasının bir neçə yüksəkrütbəli üzvünü işdən çıxarmaq barədə düşünür.
Lakin Ağ Ev bu məlumatların reallığı əks etdirmədiyini və rəsmilərin öz vəzifələrinin icrasını davam etdirdiyini bəyan edib.
Bizim.Media
