Pentaqonda binanın içərisində havanın keyfiyyəti ilə bağlı problemlər aşkar edildikdən sonra əməkdaşların bir hissəsi təxliyə edilib və bir sıra otaqlara giriş məhdudlaşdırılıb.
Bizim.Media xəbər verir ki, bu barədə CNN məlumat yayıb.
Nəşr qeyd edir ki, Pentaqonun nümayəndəsi Şon Parnelin sözlərinə görə, kompleksin sistemləri havanın keyfiyyətinin pisləşdiyini qeydə alıb, bununla əlaqədar olaraq hadisənin səbəbləri aydınlaşdırılana qədər ehtiyat tədbirlər görülüb.
"Nazirlik standart təhlükəsizlik protokollarını həyata keçirir, o cümlədən təsirlənmiş ərazidə olan şəxslərə olduqları yerdə qalmaları barədə göstəriş verib. Reaksiya qrupları hadisə yerindədir və bina əməkdaşlarına dəstək göstərməyə hazırdır", - o qeyd edib.
Arlinqton dairəsi yanğınsöndürmə xidmətinin məlumatına görə, Pentaqonda təhlükəli maddələrlə bağlı insident baş verib. Hadisə yerinə kimyəvi təhlükələrə cavab tədbirləri üzrə mütəxəssislər yönləndirilib, onlar Pentaqonun obyektlərin mühafizəsi bölməsi ilə birlikdə işləyirlər.
Yoxlamaların bir saatdan iki saata qədər çəkə biləcəyi göstərilir.
Araşdırma davam edir.
Bizim.Media
