Rusiya ordusu bütün cəbhə xətti boyunca hücum əməliyyatlarını aktivləşdirib.
Bizim.Media xəbər verir ki, bunu Ukrayna Silahlı Qüvvələrinin Baş komandanı Aleksandr Sırski bildirib.
Onun sözlərinə görə, cəbhədə vəziyyət mürəkkəb olaraq qalır. Rusiya qüvvələri bir neçə istiqamətdə eyni vaxtda təzyiqi artırmağa çalışır.
Sırski qeyd edib ki, Ukrayna müdafiə qüvvələri düşmənin hücumlarını dəf edir və mövqelərin qorunması üçün zəruri tədbirlər görür.
Baş komandanın sözlərinə görə, Rusiya tərəfi canlı qüvvə və texnikadan geniş istifadə etməklə cəbhənin müxtəlif sahələrində irəliləməyə cəhd göstərir. Xüsusilə aktiv döyüşlərin ön xəttin ən gərgin istiqamətlərində davam etdiyi bildirilir.
Sırski bildirib ki, Ukrayna ordusu müdafiə mövqelərini möhkəmləndirir, ehtiyat qüvvələri və zəruri resursları təhlükəli istiqamətlərə yönəldir.
Onun sözlərinə görə, əsas məqsəd Rusiya ordusunun hücum tempini azaltmaq, onun canlı qüvvə və texnika itkilərini artırmaq, eləcə də Ukrayna mövqelərinin müdafiəsini təmin etməkdir.
Baş komandan vurğulayıb ki, cəbhədəki mürəkkəb vəziyyətə baxmayaraq, Ukrayna hərbçiləri tapşırıqları yerinə yetirməyə davam edir.
Bizim.Media
