Norveç Nobel komitəsi bu gün Osloda 2013-cü il üçün Nobeo sülh mükafatının sahibinin adını açıqlayacaq. Moderator.az-ın məlumatına görə, bu il mükafata 259 namizəd var. Onlardan 50-si ictimai və beynəlxalq təşkilatlardır.
Bu il KİV və ekspertlər 16 yaşlı pakistanlı məktəbli Məlalə Yusafzayı favorit hesab edirlər. O, qızların təhsili ilə bağlı çıxışlarına görə, ötən ilin oktyabrında “Taliban”ın hücumuna məruz qalıb.
Qeyd edək ki, ötən il Nobel mükafatı Avropa İttifaqına verilib.
Bu il Nobel mükafatlarının hər birinin məbləği 8 milyon İsveç kronu (1,2 milyon dollar) təşkil edir.
