Növbəti 10–20 il ərzində qlobal şəhərsalmanın əsas istiqamətlərindən biri şəhərlərin uşaqlar üçün daha uyğun şəkildə planlaşdırılması olacaq. Çünki bu gün uşaqların böyük hissəsi şəhərlərdə və qəsəbələrdə böyüyür və onların inkişafı birbaşa şəhər mühitindən asılıdır.
Bizim.Media xəbər verir ki, “Save the Children" təşkilatında Qlobal Şəhər Proqramı üzrə çalışan və “Uşaqlar üçün Şəhərlər Qlobal Alyansı”nın sədri Sara Sabri deyib.
“Bu səbəbdən şəhərlər uşaqların sağlam, təhlükəsiz və xoşbəxt böyüməsini təmin etməlidir. Bu sağlamlıq imkanlarının yaxşılaşdırılması, şəhər daxilində təhlükəsiz hərəkət mühitinin yaradılması və kifayət qədər ictimai məkanların təmin edilməsi deməkdir”, - deyə ekspert bildirib.
Onun sözlərinə görə, hər bir uşaq yaşadığı şəhərdə özünü təhlükəsiz, dəyərli və hörmətli hiss etməlidir.
Bizim.Media
