Serebrenitsada olduğu kimi Xocalıda da ədalət nəhayət öz yerini tapmalıdır.
Bunu məşhur hüquq müdafiəçisi, “Serebrenitsa Anaları” Assosiasiyasının sədri Munira Subaşiç “Xocalı: Barışıq üçün etiraf et” beynəlxalq koalisiyası üzvləri, eləcə də yerli və xarici mətbuat nümayəndələrinin iştirakı ilə “Keçid ədaləti və dayanıqlı sülh” mövzusunda keçirilən dəyirmi masada deyib.
“Xocalı və Serebrenitsa faciələri əslində eyni cinayətdir. Dünən Xocalıda sağ qalanlarla söhbət etmək imkanımız oldu. Uşaqla əsir götürülən ana ilə görüşdük. Dünya Xocalı faciəsini xatırlamalı, bu vəhşilikləri unutmamalıdır. Serebrenitsada baş verənlər dünya üçün dərs oldu. Tarixi, orada həlak olan insanları unutmaq olmaz".
