Xəbər verdiyimiz kimi dünən Milli Şuranın Koordinasiya Mərkəzinin növbəti iclası keçirilib.
Moderator.az - a açıqlama verən qurumun üzvü Eldəniz Quliyev toplantıda müzakirə olunan məsələlər haqda bunları deyib:
“Milli Şura KM-də iclas zamanı son günlər ölkədə baş verən ictimai - siyasi məsələləri müzakirə etdi. Toplantıda müzakirə olunan əsas məsələlərdən biri də qarşıdan gələn parlament seçkiləri oldu. Biz hələ də əvvəlki mövqeyimizdə qalmaqdayıq, ölkədə demokratik seçki mühiti olmadıqca, siyasi məhbuslar azad olunmadıqca çətin ki, biz mövqeyimizi dəyişək. Hazırda seçkilərdə iştirak edib, ya da etməməklə bağlı qəti qərarımız yoxdur. Amma hazırkı məqamda biz belə hesab edirik ki, bu seçkidə iştirak etmək çox pis hazırlanmış tamaşada aktyor kimi yer almaq deməkdir”x9d.
Xəyal Əzizov
