ABŞ Milli Aeronavtika və Kosmik Tədqiqatlar İdarəsi (NASA) yeni kəşf edilən 2024 YR4 asteroidinin 2032-ci ildə Ay ilə toqquşma ehtimalının 3,8%-ə yüksəldiyini açıqlayıb.
Bizim.Media xarici mətbuata istinadla xəbər verir ki, qurum bunu göy cisminin trayektoriyasına dair son hesablamalara əsaslanaraq bildirib.
Məlumatda bildirilir ki, hesablamalara rəğmən, toqquşmadan qaçmaq şansı da az deyil - 96,2%. Tədqiqatçılar həmçinin iddia edirlər ki, asteroid Ayın səthinə düşsə belə, bu onun Yer ətrafındakı orbitinə təsir etməyəcək.
Ehtimallara görə, asteroidin ölçüləri 53 - 67 metr arasında olacaq. Bu təxminən on mərtəbəli binanın hündürlüyünə bərabərdir.
Rəna, Bizim.Media
