Şahin Diniyev: "Meydançanın ideal olmaması problem yaradırdı"

Misli Premyer Liqasının 6-cı turunun "Kəpəz" - "Səbail" (0:3) matçından sonra qonaq komandanın baş məşqçisi Şahin Diniyev mətbuat konfransında iştirak edib. 

Bizim.Media xəbər verir ki, təcrübəli mütəxəssis komandasının səfərdəki inamlı qələbəsini şərh edib: 

"Hesab bizi aldatmasın. Çətin oyun oldu. Meydançanın ideal olmaması topa nəzarətdə problem yaradırdı. Əlimizdə düşən fürsətlərdən istifadə etdik. Bir neçə qol epizodumuz da var idi. Amma inanın, ən çətin oyunlarımızdan birini keçirdik. İlk hissədə mənim istədiyim futbolu oynaya bilmədik. Artıq komandanın oyunu var, həm də nəticəyə oynaya bilirik.  
"Kəpəz"ə qol epizodu vermədik. Müdafiədə etibarlı oynadıq, hücumda kreativ olmağa çalışdıq. Qələbəyə layiq idik. Matçdan əvvəlki analizlərimizdə bizi çətin oyunun gözlədiyini düşünürdük. "Kəpəz"in cinahlarını bağladıq, Abdullah Şuaybunun sürətini söndürə bildik". 

Bizim.Media