Paşinyandan Putinə üzrxahlıq - ''İsgəndər'' barədə məni səhv məlumatlandırıblar''

Ermənistanın Baş naziri Nikol Paşinyan Rusiyanın “İsgəndər” operativ-taktiki raketlərinin effektivliyi ilə bağlı yanlış məlumatlandırılıb.

Bizim.Media “Sputnik Armenia”ya istinadən verdiyi xəbərə görə, bu barədə Ermənistan Baş nazirinin mətbuat katibi Mane Gevorqyan bildirib.
 

MÖVZU İLƏ BAĞLI:

1000 nəfər polis Paşinyana kömək üçün Qarabağdan İrəvana aparıldı

''Nikol Paşinyanın açıqlamasına səhv məlumatlar səbəb olub və o, bu barədə Rusiya Prezidenti Vladimir Putinlə telefon danışığı zamanı da bildirib''- deyə M.Gevorqyan deyib.

Onun sözlərinə görə, Ermənistan Baş naziri faktları və məlumatları müqayisə edərək bu qənaətə gəlib ki, o, vəziyyətlə bağlı səhv məlumatlandırılıb:

''Baş nazirin açıqlamasının hərbi və hərbi-sənaye əməkdaşlığı sahəsində Ermənistan-Rusiya müttəfiq münasibətlərinə aidiyyəti yoxdur.

Şübhə yoxdur ki, Rusiya silahları dünyanın ən yaxşı silahlarından biridir. Ermənistan Respublikası Rusiya Federasiyası ilə hərbi sənaye və yüksək texnologiyalar sahəsində sıx əməkdaşlığı davam etdirir və onu daha da dərinləşdirmək üçün addımlar atmaq niyyətindədir”,- deyə o vurğulayıb.

Bizim.Media