“Odessanın Rusiya Ordusu tərəfindən atəşə tutulması nəticəsində ölənlər və yaralananlar var”.
Bizim.Media xəbər verir ki, bunu Ukrayna Prezidenti Volodimir Zelenski Yunanıstanın Baş naziri Kiriakos Mitsotakislə birgə Odessada keçirdiyi brifinq zamanı bildirib.
Səfər zamanı zamanı o, Yunanıstanın baş naziri ilə limanda olub:
"Biz bu əraziləri bu gün gördük. Görürsünüz ki, kimlərlə mübarizə aparırıq. Onlar (Rusiya silahlı qüvvələrini nəzərdə tutur - red.) hara zərbə vuracaqlarına fikir vermirlər. Mən bilirəm ki, bu günki hücumlar nəticəsində itkilər olub. Hələ ki, bütün təfərrüatları bilmirəm, amma əminəm ki, ölənlər və yaralılar var”.
Qeyd edək ki, bu gün səhər saatlarında baş nazir Kiriakos Mitsotakisin rəhbərlik etdiyi Yunanıstan nümayəndə heyətinin 150 metrliyində olan Ukrayna prezidentinin korteji raket hücumuna məruz qalıb.
Bizim.Media
