“AYB-yə üzvlük və sənəd qəbulunu gələnilki qurultaya qədər dayandırmışıq”– Fikrət Qoca

Hazırda oxunan: “AYB-yə üzvlük və sənəd qəbulunu gələnilki qurultaya qədər dayandırmışıq”– Fikrət Qoca

247673

“Bizdə bu dəqiqə azı müraciət qovluğu var. Onların hamısı AYB-yə üzv olmaq istəyənlərdi. Biz isə il ərzində cəmi iki dəfə qəbul keçiririk.

Bu il artıq bir dəfəxa0 birliyə qəbul keçirmişik. Mart ayında baş tutdu və yeni üzvləri sıralarımıza daxil etdik”.

Bunu Moderator.az-a açıqlamasında Azərbaycan Yazıçılar Birliyinin birinci katibi, AYB Qəbul komissiyasının sədri, Xalq şairi Fikrət Qoca deyib.

O, açıqlamasında 2018-ci ilin sonuna qədər AYB-yə üzvlük və sənəd qəbulunun olmayacağını bildirib. Buna səbəb isə AYB-nin gələnilki qurultayına hazırlıq işlərinin getməsini göstərib.

Xalq şairinin sözlərinə görə, qurultaya daha yaxşı hazırlaşmaq üçün üzvlük və sənəd qəbulu məsələlərini müvəqqəti saxlanılıb:

“Doğrudur, hər il üçün iki dəfə qəbul nəzərdə tutmuşduq. Amma qərara aldıq ki, üzümüzə gələn il Yazıçılar Birliyinin qurultayı olacaq. Ona görə də biz birliyə qəbul olunmanı və sənəd qəbulunu da dayandırdıq. Çünki əsas diqqəti qurultaya vermək lazımdır.

Yalnız qurultaydan sonra yeni üzvləri birliyə qəbul edəcəyik. Qurultaya qədər isə bu gözlənilmir”.

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.