
- A-
- A
- A+
Netanyahudan iddia: “Avropa İranın hədəfidir”
İsrailin Baş naziri Benyamin Netanyahu Avropanın İran üçün potensial hədəf olduğunu bəyan edib.
Bizim.Media xəbər verir ki, Netanyahu bu barədə Qüdsdə çexiyalı həmkarı Andrey Babişlə birgə keçirdiyi mətbuat konfransında danışıb.
“İranın raketləri, terrorizmi və nüvə ambisiyaları İsrailin sərhədləri ilə məhdudlaşmır. Avropa kənar müşahidəçi deyil, Avropa hədəfdir”, – deyə İsrail hökumətinin başçısı bildirib.
Bu kontekstdə Netanyahu İsrail və Çexiya arasında təhlükəsizlik sahəsində əməkdaşlığın vacibliyini vurğulayaraq, mövcud təhdidlər fonunda bu əməkdaşlığı “çox məntiqli” adlandırıb.
Bundan əlavə, İsrailin baş naziri ölkəsinin hərəkətlərini tənqid edən bir sıra Avropa dövlətlərini də sərt şəkildə qınayıb və Çexiyaya dəstəyinə görə təşəkkür edib.
“Çexiya Respublikası xeyirlə şəri qarışdırmaqdan imtina edir. Bu, mənəvi aydınlıq və mənəvi cəsarətdir”, – Netanyahu əlavə edib.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.































































































