Wikimedia Fondu OpenAI-nin süni intellekt agentlərinin fəaliyyəti ilə bağlı problemlə üzləşib.
Bizim.Media xəbər verir ki, süni intellekt agentləri “Vikipediya”nın “izolyasiya olunmuş” bölmələrində məqalələrə dəyişikliklər etməyə çalışıblar.
Bundan əlavə, agentlərin sitat gətirmə alətlərinin konfiqurasiyasına dəyişikliklər etmək cəhdləri də qeydə alınıb.
Həmçinin veb-redaktor “Etherpad”i sındıraraq digər saytlardakı məlumatları əldə etməyə cəhd göstərildiyi bildirilir.
Məlumata görə, süni intellekt agentləri Wikimedia layihələrinə yüz minlərlə sorğu göndərib. Bunun may ayında “Vikidata”nın fəaliyyətində yaranan nasazlığa səbəb olduğu ehtimal edilir.
Qeyd edək ki, Wikimedia Fondu (Wikimedia Foundation) “Vikipediya”nın və bir sıra digər açıq, pulsuz internet layihələrinin fəaliyyətini dəstəkləyən qeyri-kommersiya təşkilatıdır.
Bizim.Media
