Pakistan Türkiyə və Qətərin Səudiyyə Ərəbistanı ilə müdafiə ittifaqı sazişinə qoşula biləcəyini istisna etmir.
Bizim.Media xəbər verir ki, bu barədə “Bloomberg” məlumat yayıb.
Pakistanın müdafiə naziri Xavaca Asif bildirib ki, Qətər və Türkiyənin mövcud sazişə qoşulması müsbət hadisə olardı.
“Əgər Qətər və Türkiyə də mövcud sazişə qoşularsa, bu, müsbət hadisə olar”, - deyə nazir qeyd edib.
Onun sözlərinə görə, saziş üzrə danışıqlar yekun mərhələdədir və gələcəkdə bu ölkələri də əhatə edə bilər.
Nazir əlavə edib ki, təklif olunan razılaşma hər hansı ölkəyə qarşı yönəlməyib.
Xavaca Asifin sözlərinə görə, əsas məqsəd regional sabitliyi gücləndirmək və xarici asılılığı azaltmaqdır.
Bizim.Media
































































































