Yunanıstanda məşhur mavi-ağ evlər gözəl, səliqəli görüntüsünə görə çoxlarının xəyalıdır. Amma bu görünüşün romantikayla əlaqəsi yoxdur.
Bizim.Media Rusiya mətbuatına istinadən xəbər verir ki, bu görünüş XX əsrdə baş verən böhranlar və hökumət qərarlarının birləşməsindən qaynaqlanır.
1938-ci ildə Yunanıstanda vəba epidemiyası yayıldı. Buna cavab olaraq hakimiyyət orqanları evlərin kütləvi şəkildə ağardılmasını əmr etdi. Əhəng estetika üçün deyil, dezinfeksiyaedici kimi istifadə olunurdu - bakteriyaları öldürməli və xəstəliyin yayılmasının qarşısını almalı idi.
Beləliklə, adi bir məişət qərarı şəhər və qəsəbələrin görünüşünü dəyişdirən məcburi bir qaydaya çevrildi.
Lakin mavi rəng ucuz paltar yuyucu toz Loulaki sayəsində yarandı. Demək olar ki, hər evdə tapıldığı üçün qapı və pəncərələr üçün boya kimi istifadə olunmağa başladı. Əslində, mavi rəng dəb trendi deyil, yerli sakinlər üçün ən əlverişli seçim oldu.
Qeyd olunur ki, 1967-ci ildə hakimiyyətə gələn hərbi xunta nəhayət mavi-ağ palitrasını yaratdı. Rəhbərlik bu rəngləri milli kimliyin simvolu kimi təbliğ etməyə başladı.
Bizim.Media
