Belarus Xarici İşlər Nazirliyi Ermənistan parlamentinin spikeri Alen Simonyanın Minsk barədə fikirlərinə reaksiya verib.
Bizim.Media xəbər verir ki, Simonyan daha əvvəl bildirmişdi ki, “Ermənistan Rusiyanın quberniyasına çevrilməməli və Belarus kimi idarə olunmamalıdır”.
Belarus XİN isə bu açıqlamanı qəbuledilməz adlandırıb.
“Belarus suveren dövlətdir və Rusiya ilə müttəfiqlik münasibətlərinin formatını müstəqil şəkildə müəyyən edir. Biz bu əməkdaşlıqla fəxr edirik və heç kimə bizə dərs keçməyə imkan verməyəcəyik”, - deyə qurumun açıqlamasında bildirilib.
Belarus tərəfi vurğulayıb ki, Minsk xarici tərəfdaşlarla münasibətlərini öz milli maraqları əsasında qurur.
Bizim.Media
