İrlandiyanın Baş naziri Azərbaycanın Avropa üçün əhəmiyyətindən danışdı - Video

“Azərbaycanın Avropa Siyasi Birliyində iştirakı əməkdaşlığın, xüsusilə enerji təchizatı və bütövlükdə Avropa qitəsinin təhlükəsizliyinin təmin olunması sahələrində konkret nəticələr verə biləcəyinin nümunəsidir”.

Bizim.Media xəbər verir ki, bunu İrlandiyanın Baş naziri Mixol Martin Azərbaycan mediasına açıqlamasında bildirib.

O qeyd edib ki, Azərbaycanın Avropa Siyasi Birliyində iştirakı həm qitənin iqtisadi təhlükəsizliyi, həm də hibrid təhdidlər kontekstində təchizat və digər sahələr üzrə əhəmiyyətli nəticələr verib.

Baş nazirin sözlərinə görə, enerji sahəsində qarşılıqlı əlaqəlilik, texnoloji əməkdaşlıq və insanlar arasında təmaslar Avropa ölkələri ilə onların tərəfdaşları arasında daha sıx koordinasiya tələb edən əsas istiqamətlərdəndir.

Mixol Martin vurğulayıb ki, əlçatan enerji resursları ilə təchizatın təmin edilməsi, kritik infrastrukturun qorunması, eləcə də kritik əhəmiyyətli xammal növləri və nadir torpaq minerallarına çıxışın təmin olunması üçün beynəlxalq əməkdaşlıq vacibdir.



Bizim.Media