Sarayda təhlükə: İşıq dirəkləri aşıb, küçə qaranlığa qərq oldu - VİDEO

Abşeron rayonu, Saray qəsəbəsi, İlqar Abdullayev küçəsində yaşayan sakinlər təhlükəli vəziyyətlə üz-üzə qalıblar.

Bizim.Media xəbər verir ki, oxu.az-a müraciət edən sakinlərin sözlərinə görə, küçədə bir neçə işıq dirəyi aşıb.

İşıq dirəklərinin deformasiyaya uğradığı qeyd olunub. Sakinlər bildiriblər ki, küçənin işıqlandırmasında problem var. Avtomobillərin yalnız öz faralarının işığında hərəkət etdiyi görünür.

Müraciətdə daha bir problemə diqqət çəkilib. İddia olunub ki, yolun kənarında satış məqsədilə düzülən ağac tingləri piyadaların hərəkətini məhdudlaşdırır.

Sakinlər qeyd ediblər ki, mövcud vəziyyət həm piyadalar, həm də sürücülər üçün təhlükə yaradır və aidiyyəti qurumlardan problemin aradan qaldırılmasını xahiş ediblər.



Bizim.Media