Hərbi xidmətdən yenicə qayıtdı – Qəzada öldü

Hazırda oxunan: Hərbi xidmətdən yenicə qayıtdı – Qəzada öldü

30812

Gecə saatlarında Qubada ölümlə nəticələnən ağır yol qəzası baş verib.

Bizim.Media xəbər verir ki, hadisə Quba-Qonaqkənd yolunun 15-ci km-də, Nigədi kəndi ərazisində qeydə alınıb.

Quba rayon sakini, 23 yaşlı Rauf Nəcəf oğlu Nəcəfov idarə etdiyi "VAZ-2106" markalı avtomobillə hərəkətdə olarkən idarəetməni itirərək əks yola çıxıb və qarşıdan gələn"Qazel" markalı yük avtomaşını ilə toqquşub. Nəticədə sürücü Rauf Nəcəfov yerindəcə, avtomaşındakı sərnişin, 23 yaşlı Taleh Akif oğlu Abiyev isə Qusar rayon mərkəzi xəstəxanasına aparılarkən yolda keçinib.

Onun hərbi xidmətdən yenicə gəldiyi bildirilir. Hadisə yerində Quba rayon polis şöbəsinin yol polisi və istintaq bölmələrinin əməkdaşları işləyir.

Qəzanın səbəbi araşdırılır. Dəhşətli hadisədə daha 1 nəfər ağır xəsarət alıb, vəziyyəti ağırdır.

"Qazel"də olan 3 nəfərin vəziyyəti isə stabildir. Onların xəsarət almadığı deyilir.

Aytəkin Alxaslı, Bizim.Media