Lənkəranda qəzada piyada ağır xəsarət alıb.
Bizim.Media-nın yerli bürosu xəbər verir ki, hadisə dənizkənarı ərazidə baş verib.
DAEWOO markalı minik avtomobili hərəkətdə olarkən, Astara rayonunun Kolatan kənd sakini 1995-ci il təvəllüdlü Anar Bəxtiyar oğlu Ağarzazadəni vurub.
Müxtəlif dərəcəli ağır bədən xəsarətləri alan piyada sürücü tərəfindən Lənkəran rayon mərkəzi xəstəxanasının təcili yardım şöbəsinə çatdırılıb.
Həkimlər yaralıya dəqiqləşdirilməmiş kəllədaxili travma diaqnozu qoyaraq, xəstəxanasının reanimasiya şöbəsinə yerləşdiriblər. Onun vəziyyəti ağır olaraq qalır.
Faktla bağlı araşdırma aparılır.
Sabutay Nağıyev, Bizim.Media, Cənub bürosu
