Prezident seçkilərini izləmək üçün 17 500-dən çox müşahidəçi akkreditasiyadan keçib - RƏSMİ 

Fevralın 7-də Azərbaycanda keçiriləcək növbədənkənar prezident seçkilərini izləmək üçün 17 500-dən artıq müşahidəçi akkreditasiyadan keçib.

Bizim.Media xəbər verir ki, bunu Mərkəzi Seçki Komissiyasının sədri Məzahir Pənahov jurnalistlərə açıqlamasında deyib.

Onun sözlərinə görə, 6 300 ətrafında olacaq seçki məntəqəsində hərəsinə 3 müşahidəçi olacaq: 

“Müşahidəçi nə qədər çox olsa yaxşıdır”.
Qeyd edək ki, bu gün Mərkəzi Seçki Komissiyası, Medianın İnkişafı Agentliyi, Audiovizual Şura və Mətbuat Şurasının birgə təşkilatçılığı ilə Bərabər seçkiqabağı təşviqat imkanları və media subyektlərinin Azərbaycan Respublikası Prezidenti Seçkilərində fəaliyyətinin əsaslarına həsr edilən müşavirə keçirilir.

Günay Şahmar, Leyla Qəhrəmanova, Bizim.Media