Son bir ildə Dövlət Sosial Müdafiə Fondu yaşa görə pensiya təyin olunduqdan sonra azı altı il işləmiş 6 297 pensiyaçının pensiyasını yenidən hesablayaraq artırıb.
Bizim.Media-ya bu barədə Əmək və Əhalinin Sosial Müdafiəsi Nazirliyindən bildirilib.
MÖVZU İLƏ BAĞLI:
Pensiya artımı neçə faiz olacaq? - Rəsmi açıqlama
Qeyd edilib ki, “Əmək pensiyaları haqqında” Qanuna əsasən, vətəndaş yaşa görə pensiya təyin olunduğu gündən etibarən işləməkdə davam edərsə, hər altı ildən bir onun hesabında toplanmış sosial sığorta haqqı 72-yə (6 il×12 ay) bölünərək onun pensiyasının üzərinə əlavə olunur.
Bu da işləyən pensiyaçıların mənafelərinin daha dolğun təmin olunmasına imkan verir.
Həmçinin yaşa görə pensiyaya çıxdıqdan sonra işləməkdə davam edən şəxslər arasında sosial sığorta sistemində aktiv iştiraka marağın artmasını stimullaşdırır.
Bizim.Media
